قصائد الشاعره نهى نبيل

http://www6.0zz0.com/2008/01/15/12/882535144.jpg[/img:e185]

تلبيــــة لـ رغبــــة الكثيــــر من عشــــاق البـــأرونــه (( نهــى نبيـــل ))

جبتلكم اليوم قصائد الشاعره نهى نبيل
واتمنا تنال على رضاكم
يالله نبداء

عز الكويت
(في رثاء جابر الكويت )

ِوقف كل الزمن لحظة وضاعت حسبة الأزمان
ظلام ٍ حالك ٍ أسود ذبح هالكون بسكاته
ِهنا صمت ٍ حزين ٍ في عيون رجال ٍ ونسوان
وطفل ٍ ذابت عيونه وشيخ ٍ هلْ عبراته
فقد نبض الوطن شيخ ٍ عزيز وعالي ٍ بالشان
يسطِر هالزمن إسمه بنور ٍ فوق صفحاته
َتنكَس هالعلم يبكي حبيبه و انكسر ذبلان
وظل دسمان يتساءل عن اللي شب شمعاته
تِيتم هالشعب بعدك و ذاق الهم والحرمان
يكيف يطلْ به صبح ٍ عيونك انت ماجاته؟
عيون ٍ كم بكت لجل الكويت و دمعها نيران
وصِرنا اليوم نبكيها ياشيخ العزْ وكلماته
حبيب القلب يا جابر ياشيخ الطيب والإحسان
وسط قلبك تربعنا و ذِبنا بدم نبضاته
رحلت و كلنا نصرخ نناديلك يا أعز إنسان
أبونا من عمر عشنا نعلي فوق راياته
مِن اللي علم العالم يِحب ومايبي عرفان ؟
من اللي ذاب بَهْ شعبه بلا زيف ٍ لحاجاته ؟
من اللي من بعد عينه تموت و تَدمي القيفان
و لا تِقدر توصللَه عذاب القلب وآهاته؟
كأنْ الشِعر ياجابر بعدكْ انتْ انكسر وانْهان
بعد ذاك الخبر عنِك تَخَلت عنَه أبياته
أبدْ منساك يا شيخ ٍ نشيلك وِسط هالوجدان
وشعبك حافظكْ يدعي لسموك كل أوقاته
لأنك اِنت من علَم عِيالك نزعة الإيمان
بترحل عنِنا جسم ٍ وروحك تسكن بذاته
فمان الله يا عز الكويت و درة الأوطان
فمان الله جعل الله يسكنك وسط جناته

قصيدهـ في سمو الأمير سعد آل سعود.. من برنامج قصيدة التحدي..

ياسعد ليل من هو مثلك يخاويه
ويا طيب شعرِ لو طرى لك بسيرهـ
وياسعد من بالشعر وصل معانيه
في وصف شخصٍ عمنا دوم خيــرهـ
ياسيدي حتى الشعر قال لبيه
يومٍ ذكرت إسمك ورفرف عبيرهـ
قالوا سعد قلت السعد لا تلاقيه
ماكنه إلا تجمعك فيه جيرهـ
إبن عبد الله اللي لا ذكرته وتطريه
تذكر مراجلهم مزايا كثيرهـ
ماقد كتبت المدح ولا كنت أدانيه
لكن معاني المدح عندك صغيرهـ
ياسيدي بختم قصيدي وبنهيه
وقبل النهايه هاك كلمة أخيرهـ
حرام مثلك نكتب أبياتنا فيه
والشعر إنتا وإنت للشعر ديرهـ

السكســــوكه

هذاك المار قدامي وله نظرات قتــــــــــــالة
له سكسوكتن حلوة بأقصى الوجه مرتسمـة
حرمني النوم في ليلي ، حرمني النوم عقباله
يحس الشوق في صدره ذبحه وزاد في همــه
أحب أمه ، أحب عمه ، أحب جده ، وأحب خاله
أموت بنظرة عيونه وأعشق كل حروف اسمــــه
أحب جدهِ ، وأحب هزله ، أذوب وحالتي حاله
وإذا يطروه قدامــــــــي أحس بداخلي صدمة
ذبحني بكثر ما اشتاقه ، ذبحني بكثرة أشغاله
شغلني ، جنن قليبي ، فصلني من على الخدمه
يا ليت أقدر أصيـــــر بيوم شيّن دايم قبالــــــه
وراه بكل مكان يروح شيّن غالــي يهمـــــــه
يا ليتني ساعةٍ بيده ، أو أرقامــن بجوالــــــه
يطقطقني على كيفه ، ولا أحفظ سوى رقمــه
أنا ادري انه يعانـــي ، وأدري صعب أحواله
قلبي ما يطاوعنـــــي يبي دايــم اهو يمه
أنا ما يهمني ربعه ، وعذالـــــــي وعذاله
احبه بكل جنون الحب والإحساس والذمه
صحيح انه يكذبني ، وظنونه على باله
لكني بعلمه كيف هو دمي وأنا دمـــه
يقول اني أنا أنسى ،، فال الله ولا فاله
لو بنسى أن نفسي ، ما انسى أبد رسمه
يا قلبي شوفلي حلٍ بحبن صار لي علـة
يا إما تجيبه لعندي ، وإلا اطلبه من أمه ..

أحبــــه

يقولو إن الزين بس للصبايا
حكي الجياكر صدق مأخوذ خيرهـ
عندي حبيبٍ فيه كل المزايا
فوق الشهامه أشهد إنه دميرهـ
له نظرهـ تسوي سواة وسوايا
ورزة عقال ماهي لحد غيرهـ
وغمازتين هناك صوب الشفايا
ونظرات عينٍ يالخلايق خطيرهـ
ودي أشوفه كل لحظة معايا
عيني بصيرهـ بس يدي قصيرهـ
صرت ألمحه في عين كل الزوايا
وأموت لا جاء ذكرهـ بأي سيرهـ
أترك عشانه كل عمري ورايا
و أبنيله بوسط الحشا ألف ديره
سبحان من خلى االحسن فيه آية
قلبي هواه و مدري وشو مصيره
من يوم شفته .. الوصل صار غاية
و رسمت في لحظة أماني كبيرة
و أظنني تناسيت كل البلايا
و عيوبه صارت في عيوني صغيرة
(كحيان) و (منتَف) قليل العطايا
مير أشعر بظله بأني أميرة !!
يرمي سهام العشق أحسن رماية
و (ينيشن) قليبي و ينثر عبيره
كذاب ٍ و يحلف ماله سوايا..
... و لا جا يناديني ينادي "سميرة"!
لكن أحبه , , يا بلاه و بلايا
و أبقى أتحمل سلبيات ٍ كثيرة
لأني وهبته الروح و أجمل هدايا
حب ٍ على إخلاص ٍ مع شوي غيرة
و صرت أعذره و أهيم به في عمايا
و أقول يرجعلي و يعقل مسيره
جنن قلوب الناس و أحلى الصبايا
و طيرلي قليبي , ملعون خيره !!!

أعتذر لك

جيت أعتذر لك والندم يعتصرني
جيتك وقلبي جاك ويسابق خطاي
أما بعد ماجاك مني تعذرني
ولا بروح وبآخذ الجرح وياي
زلة لسان ودام حظي غدرني
خلك كبير وطفي النار بحشاي
لأنك بعد ماأقفيت شيءٍ غمرني
جلست أسآل خافقي شالذي جاي
والخوف إني أخسرك وتخسرني
خلاني أوصل عند بابك بممشاي
وش هـي حياتي لو غرامك هجرني
وإنت الهوى للروح ولعروقي الماي
لأني خطيت كثير قلبي أمرني
إني أتبعك وأجيك ياغاية مناي
وتصدق على لقياك محدٍ جبرني
لأني بدونك إنت ماأعيش دنياي

وراسك

وراسك منحنى راسي لمخلوق(ن) أبد غيرك
ولا بللت أنا ثيابي بدمعي غير منشانك

نسيت إني أنا ظللك وأنا شمسك وأنا طيرك؟
هدمت اللي يجمِِِعنا بكلمة قالها لسانك

أنا اللي تحفظك كلك وتفهم كل تعابيرك
أنا اللي سرها فرحك بكت دم(ن) بأحزانك

تشيلك من تعب وقت(ن) تمادى لجل تدميرك
وصارت مسكن عيونك لها إسمك وعنوانك

ويوم(ن) ماوهبك الله عيال(ن) خيرهم خيرك
أنا ربيتهم مثلك على طيبك وإحسانك

وصنتك لجل توصلني تفرحني بتباشيرك
وتتباهى بحسناتي مابين أهلك وخلانك

وكم أسهرتلي عين(ن) ذبحها طول تأخيرك
وإذا أقبلت هللت بك تبوح وتحضن أشجانك

بعد ذاك العطا قللي أمانة وش معاذيرك؟
وكيف تسد في وجهي حبيبي كل بيبانك؟

في عينك سر ماعرفه معني كنت أنا بيرك
غريبة في وسط روحك وأنا اللي كنت أوطانك

أبسأل ساعه الكلمة وش اللي صاب تفكيرك
وخللى عشرة سنين(ن) تموت اقبال أعيانك؟

حلفت براسك وماظن أحلف براس أحد غيرك
لأنه ماحترق قلبي وعمري غير منشانك

لأنك بس أبو عيالي أببقى قلبك وطيرك
ولابتطيح من عيني بكلمة قالها لسانك

حقـــة الأطفـــــال

ألا ياللي تعيروني بأني حقة الأطفال
أنا ساس الشعر فيني من أقصى جد بجدودي
كتبت الشعر من صغري وصغت من الحروف رجال
وصار الحرف بي معنى وجوده زان بوجودي
أنا ملح الشعر أبقى ومهما هالزمن بي طال
يساندني دعا أمي إلين أوقف على عودي
وأنا يوم إنني طفلة تربت من وراي أجيال
على شاشه وطن غالي بحضنه أنثر ورودي
ورغم اللي حكوا فيني ورغم اللي علي انقال
أنا أبقى بنت ناس أجواد وأصل الجود من جودي
وراي رجال تفزعلي إذا في يوم حظي مال
تقطع أيد(ن) انمدت لو تعدت على حدودي
ووراي عيون تسهرلي وتتركني مريح البال
في ليلي نومهم يحرم ولو عين الملا رقودي
وأنا مهما أصادف في دروب الشعر من أنذال
أبد ما ينتهي صبري وانه يخترب مودي
لأني عارفه العنقود لو يوم(ن) عجز ينطال
يصير بعينهم حامض لأن قلوبهم سودي

الحقيقـــه

الحقيقه أن كان تدري ماهي بحاجة قصيده..
الحقيقه بس أنه زايد عندي غلاك ..
والحكي والله حبيبي لو أقوله أو أعيده ..
يبقى في حقك قليل مايوصل مستوااااك..
وحدك انته بس تقدر تملك القلب وريده ..
وحدك انته بس اللي أشوفه أنس في صورة ملاك..
ياأخي ربك كريم ودايم يرحم عبيده ..
وأنت ماترحم متيم لاتعذب في هواك..
كل ماجيتك بشوق تطلب بأني أزيده..
وتدعي بأني مقصر بالشعر دايم معاك..
لاكتبت الشعر عنك وشهو اللي تستفيده..
فكر أشويه بعقلك وأقتنع الله يهداك..
تدري أنك ساكنن في وسط هالقلب ووريده..
وأنك بروحي حبيبي ماأبي احد سوااااااك..
وش تبي بالشعر وأنته في عيوني سيد سيده..
أصلا حروف القصايد ميته تطلب رجااااااك..
ياحبيبي أنت شعري وانت أبياتي الوحيده..
القصايد والقوافي كلها والله فداك..
وأن بغيت الشعر كله بس في جمله مفيده ..
ياخذك ربي حبيبي لوأهو غيري خذاك

حرمت عيني

حرمت عيني يالغلا لذة النوم
و قلبي كسير ٍ ما تحمل همومه
طيفك ذبحني.. زادلي همي هموم
والشوق سيف ٍ أهلكتني عزومه
ماكنت أنا احسب ينهزم قلبي بيوم
لينك ذبحته وطاح من غير قومه
مشتاق ٍ وروحي معك دايم ودوم
والنفس صارت في هواك امحرومه
ياويل قلب ٍ عايش ٍ منك محروم
أمسى قتيل ٍ وانت أقصى حلومه
ملزوم صبحه والمسا فيك ملزوم
و يعيش لجلك كل لحظات يومه
يعني في بعدك حالي يصير معدوم
وجسمي نحيل ٍ غصب شايل هدومه
ياللي غرقتك بدنيتك كيف باعوم؟؟؟
بحرك غزير وصعب مثلي يعومه
ياللي تنام الليل شرواي مهموم
رجع لمحبوب ٍ سهر فيك نومه
علمني بعدك بالهوا منهو ألوم ؟
منهو يحامي خافقي من خصومه؟
يا كيف تجفاني و الفواد مظلوم!
مدري ألومك انت و إلا ألومه ..

ساعي بريد

ودي أحكي لك حبيبي عن عذابي من زماني
ودي أشكـي لـك همـومٍ بالحشـى دايـم تزيـد
.
ودي أتكلـم وعينـك ماتناظـر شخـص ثـانـي
ماأبيـك تشـوف غيـري مـن قريـبِ أو بعيـد
.
ودي أسولف وتسمع كـم أنـا بالحـب أعانـي
وأشتكـي منـك لعينـك كانهـا الشكـوى تفـيـد
.
أدري أنه ضاق صدرك ومثل ماهو إحتواني
بأحتـوي صدرٍحنـونِ يقـلـب أحـزانـي لعـيـد
.
أنت في بعدك حبيبـي ماأقـدر أتحمـل ثوانـي
ليـه دايـم بـي تفـكـر إنــي بعـيـدك سعـيـد؟!
.
لونها بكثـر الرسايـل كـان حظـي ماعصانـي
باتعـذب لاجـل عينـك وأشتغـل ساعـي بريـد

أمـــانه يااحمد

أمانة يا حمد بلِغ خويٍك كلمة ٍ مني
رسالة روح وصلها بلا عذر ٍ و لا تأجيل
أبيك تقول له إنه و لا بالحلم يوصلني
و إني أكبر و أكبر من الأفلام و التمثيل
فلا يمثل علي عاشق لأنه جد ما همني
و قله ما يفيد اليوم كثر الهرج و التطبيل
ماني من البنات اللي مع كل أهبل يغني
يذوبون و ينادوله إذا غنى يا عين و ياليل
أنا عندي هموم أكبر و فكر ٍ سابق ٍ سني
و لا في يوم خربني كثير العطف و التدليل
و لا يوم ٍ سمعت "الراااء" تطلع بالغلط مني
ولا فكرَت في عمري أسوي لخلقتي تجميل !
ولا يغرَه كلام الناس يوم إنهم حكوا عني
حكايا كلها كذب ٍ و ظلم ٍ قصده التظليل
قصيدي و أكتبه بيدي, بوسط الحضْر لكني
عشقت البدو و الصحرا و يعجبني صهيل الخيل
بقيت أنا وسكت منهو سعى في يوم ينكرني
و شعري صار يتحدى بشموخ يواجه رياجيل
و لا يحسب إذا وقَف خصل شعره بيجذبني
إذا ما ينسف الغتره أنا مالي لقلبه ميل
و قله وقتما أفكر أحب انسان و يحبني
أبيه يكون رجَالٍ.. و ماهي بحاجة لتحليل
و قلَه يلزم حدوده و لا يِقرب أبد مني
لأني لا قفل عقلي أنسيه الصبح و الليل
و إذا ما كان يعرفني , أو انه ما سمع عني
أبي توصيه لا يقرب لشارع به " نهى نبيل"

لا تحسبن الغرام

لا تحسبن الغرام اللي ربطني بك يهون
ولا تفكر إن قلبي يوم فارقتك سلى
ياحبيبٍ تعشقه مابين كل عينٍ عيون
وكل دقات القلوب تنادي لقلبك هلا
لو بتسألني أحبك أعشقك حد الجنون
وإن سألت القلب ذاكر يصرخ بنبضه بلا
كيف أنسى غرامك وإنت لوحدك بكون
إنت من يحيي خفوقي وإنت اللي تقتله
ياحبيبي خلك عنك كثر همك والظنون
حطني دايم ببالك وإنسى كثر الأسئله
إيه أصادف في حياتي ألف شكل وألف لون
بس ماغيرك جذبني وهذا اللي تجهله
كيف تحسبني بعد ماصرت بيديني أخون
وإنت أقصى أمنياتي للسنين المقبله
صاينه ودك بروحي وحالفه مهما يكون
إني أبقى لك حبيبي يعني إنتا وإلا فلا
والله إن غيرك حبيبي لو يروحون او يجون
مافعل فيني فعلهم مثل ياللي تفعله
بس نظرهـ من عيونك تزرع الصحراء غصون
ولا نشف ريقي دقيقه نطق إسمك بلله
مايهون الحب عندي وإنت والله ماتهون
لا تسيء الظن فيني وتفتعل لي مشكله
ماعشقت إنسان غيرك لا ولا مايحزنون
وإسمك اللي في فؤادي مستحيل أبدله
بس تدري دام أحبك والله ياعمري تمون
حتى لو تجرح شعوري أو تسوي بلبله

إعتــــزالـــي

حلم الطفولة لي بنيته من سنين
بودِعه و ابدا بعيد ٍحياتي
من الف تسعمية وأثنين وتسعين
للعام ذا و آنا أدوِر بذاتي!!
شفت المحبة في عيون المحبين
والحقد بقلوب ٍ يسرها مماتي
و شفت العجب وآنا ألف الميادين
واسرار كانت تنحبس في سِكاتي
ناس ٍ تشوف اللي دفنته ورا العين
وناس ٍ يهمها وش تخبِي عباتي
شفت البشر أجناس زين ٍ مع شين
و وجيههم تحفل بهاذكرياتي
أحلام صارت صدق ويظل حلمين ..
أحلم أنام الليل من غير أحاتي
وأحلم أغمِض عيني بلحظه وحين
وافتح ألاقي الكون ناسي صفاتي
ماعشت عمري مثل ماالكل عيشين
شِلت الحِمِل و آنا بأول خُطاتي
ولقيت نفسي صرت في سن عشرين
مير السنين تعاونت في شقاتي
ورَتني اللي شافه عيال سبعين
من ناكرين الفضل لين الوشاتي
بالمصلحة كانوا على العهد باقين
واليا قضوا خانت بهم كل رجاتي
ما يُلدغ المسلم من الجحر مرتين
و متفيدني إليا خسرت اعبراتي
ماهو الخطا لاخطيت يوم ٍ أو اثنين
بس الخطا ان استمر في خطاتي
بدعي أنا الله مثبِت العقل والدين
انه يعاوني على مبتغاتي .......!

الأخــــــــــلاق

أنااا ناااوي لك بنيـــة تعلــــــم قلبـــــك الأخــــلاااق
أبيك تعرف وش تعني خيااانة شخـــص في شرررعي

تحملتك كثييييييير وشلت لأااجلك حمل ماااينطاااق
وأخلصت العطاا لأاااجلك تدرررري بالعطااا طبعــي

ويااا مااا كااان لك عندي بحرر من حبٍ وأشووواق
ولووو لاااموووني بحبك يعاااند قووووولهم سمـــــعي

أماااانة لييييش كنت تقووول بأاني شمعة العشاااق
وبأن بكل حدوووود الكووون مااايوووصل حدٍ ربعـــــي

وبأاان االعشق لي وووحدي بلياا موووعدٍ ينساااق
وكل من كاان ضميااانٍ سقيته من صفاا نبــــــعي

وباالآآآخر تجـــي تكتــــب نهاااية حبنااا بفراااق
وتتمااادى مع غدرررك وتملــي كآاااســــي بدمـــــعي

ألااا ياللي حرقت القلب وصاار الوقــت بك حرااق
أبد ماااينطفي جمري وحتـــى بااالصلاااة بدعــــي

الين الله يقدررررني وأعلم قلبــــك االأخلاااق
لجل تعرررف وش يعني خيااانة شخص فــي شرعـــي

وبس اتمنى

اشوف ردود حلوه

يسلمووووووووووووووو
جــد مـره روعـه والكلام اروع
لاعدمنــآك

يسلمووو